搜狐首页 娱乐 无心法师2

手机搜狐

SOHU.COM

演技未精绯闻缠身,捱负评日日喊!蔡思贝发誓要争气?

2013年勇夺港姐亚军入行,蔡思贝(Sisley)出道日子不算长但屡次获安排担正剧集第一女主角,成为无线力捧的花旦之一,备受注目的她不时被指演技未精,声线吵耳,更一直绯闻缠身,被封为新一代「发电机」。

面对种种负评,Sisley直言最初匿埋屋企狂喊,觉得「天塌下来」:「刚入行时我觉得好似天塌落嚟:『哎呀!好辛苦,又话我呀?我又澄清唔到,又全部都系负面。』我当时成日喊,喺屋企以泪洗面。(家人担心?)唔会畀佢哋睇到,会自己匿埋喊。」

痛定思痛过后,自幼是长跑好手的Sisley决定将事业比喻为一场长跑,渴望「争番口气」!她说:「细个长跑训练影响我好多,长跑真系少啲坚持都唔得。(将工作比喻为长跑?)绝对系!事业唔系几年就睇到结果嘅嘢,过程有上山落山,跑障碍赛会拗柴,我咪一路跑囉!我都畀人闹咗咁耐,都要争气。」

Sisley自言对负评缠身亦有责任,日后会小心避忌:「依家慢慢地接受,又有前辈同朋友开解。同埋点解会引到咁多负面新闻,其实自己都有责任,就系冇避忌嘛!依家学识多啲。(多咗避忌?)绝对有,慢慢学习适应。(唔想再同工作拍档传绯闻?)我觉得传一、两次,证明大家有留意套剧,但如果写到我好似抢人男友就好无奈。(点划清界线?)惟有小心啲,工作环境就工作。(工作以外?)我依家好自闭,成日匿喺屋企。」

Sisley表示幸得一班闺蜜如张曦雯、赖慰玲、陈滢及孙慧雪等对自己关怀备至,直言若失去朋友支持就会举步维艰:「大家好似觉得我身边净系得男仔朋友!我同女仔都玩到好癫,好似张曦雯、赖慰玲、陈滢同孙慧雪等等,我冇咗呢班朋友就好难行!」

她笑言平日相当依赖朋友,还逐一点评身边闺蜜的不同「功能」:「我哋好似家人咁,例如张曦雯成日见我食无定时,会逼我食咗嘢先准去返工;我无啦啦同赖慰玲讲身体边度好痛,佢就会好紧张咁传啲身体检查网址畀我;阿雪就傻更更,我哋会互呻去分享,陈滢就负责同我去玩!」

讲到剧接剧机会不绝,Sisley透露于无线剧《踩过界》与王浩信有段轰烈恋情,自言现实中亦热爱浪漫,更奉行不婚主义:「有一场讲我同王浩信畀人活埋,佢哋真系挖咗个泥洞去攞啲泥嚟填我哋!咁轰烈嘅感情我觉得好正,可以同我锺意嘅人被活埋好浪漫呀!(若有人好铺张咁向你求婚,你会接受?)未必,我唔结婚都冇乜嘢。

(不婚主义?)我不嬲都系咁谂,觉得两个人如果锺意大家,结唔结婚都冇所谓。一纸婚书当然有意义,但唔系话要强求嘅嘢。反而小朋友我就好想要,因为我好锺意动物同小朋友,好锺意照顾佢哋,所以你问我结婚定拣小朋友,我会拣小朋友多过结婚。(做未婚妈妈?)冇谂呀,第日一系生BB或者领养。」

讲到「万年」绯闻男朋友麦秋成,Sisley坚称与对方只是好友,但透露向往由朋友升华恋人的感情:「我同佢喺圣诞派对相识,于是跟佢学跳舞。(传绯闻后仲敢跟佢学跳舞?)够胆!佢咁大间学校都唔系得佢一个老师,跳舞系自我增值。

(点解一定去佢呢间?)有赞助囉!(成日传你哋拍拖,到底有冇谂过发展?)我依家专心事业。(由朋友升华恋人?)绝对得,好朋友先可以做到恋人,如果恋人系好朋友会更加美丽,普通恋人净系拍拖同食饭会好闷,但我可以同你无所不谈,觉得呢件事系更加正嘅恋情。」

蔡思贝出道以来一直被指口直心快,得罪人亦不自知,惟今次采访后发现她的确有所进步,说话更为谨慎及圆滑,想必是她一路在负评当中打滚而修成的正果!坚持自我是一件美事,但从批评声音中学习及消化亦是必须的,祝福这位长跑好手在演艺路上不忘学习,且「跑」且珍惜!

?转载授权微信:lama129

精选